A candidata do BNG e responsable local en Mazaricos, Carmen Rey, e o responsable da organización en Santa Comba, Alexandre Antelo, participaron nun mitin na Pereira e no que insistiron no autogoberno e na soberanía como revulsivo para o progreso de Galicia.
«Nós temos unha terra que xera riqueza e a capacidade producir e queremos ter tamén a capacidade de xestionar os nosos recursos» salientou Carmen Rey. Na mesma liña, Alexandre Antelo, apostou por «gobernarnos desde aquí» e criticou a herdanza do Partido Popular e a necesidade dun cambio político.
