O obradoiro de emprego de Santa Comba, Mazaricos e Dumbría, organiza unha charla informativa con motivo da celebración do Día mundial do Alzheimer, coa colaboración do departamento de Servizos Sociais de Santa Comba, que dirixe a edila Esther Espasandín Turnes.
A charla, que se desenvolverá no multiusos desde as once da mañá do próximo mércores 21 de setembro, terá como relatoras á traballadora social, Ángela Espasandín González e á enfermeira Paula Guzmán Pereira. A conferencia leva por título:»O Alzheimer:unha realidade».
Seguindo con actividades relacionadas, o vindeiro sábado a Federación Galega de Alzheimer(Fagal) organiza unha andaina solidaria desde o Monte do Gozo ata o Parque de Bonaval en Santiago de Compostela. A asociación AFABER, con sede en Carballo, fretará un autobús(9:30h). Os interesados en participar poden chamar aos teléfonos 981758545 – 625980691.
%20DIA%20MUNDIAL%20DO%20ALZHEIMER%20(RECT).jpg)
