O vindeiro 18 de setembro o polideportivo do Roxal acolle unha xuntanza-xantar para os maiores organizada pola concellaría de Servizos Sociais e Terceira Idade que coordina a edila Ana Rosa Pena Barcia.
O menú estará composto por paella, churrasco con cachelos e bola de ovo,entre outras especialidades e a velada estará amenizada por Claudia Zurita. O veciños de Neda terá o prezo simbólico de 5 euros e os veciños doutros concellos deberán abonar 15 euros.A inscrición está aberta ata o 14 de setembro na oficina de servizos sociais do concello de Neda.
