O secretario xeral de Compromiso por Galicia e candidato á presidencia da Xunta, Xoán Bascuas lamentou hoxe que o goberno galego continúe sen afrontar con seriedade a problemática dos incendios forestais.
«Está claro que os lumes apáganse no inverno.Botamos en falta un plan de prevención dos lumes e de xestión dos recursos forestais» declarou Xoán Bascuas, que lembrou que unha das propostas de Compromiso é a aprobación dun novo plano forestal que promova a recuperación do monte galego.
Desde Compromiso por Galicia tamén se critica o atraso na contratación de medio milleiro de efectivos do SEAGA cando estamos en datas de máximo risco, e sospeítase que esta dilación poidar vir motivada por intereses electoralistas, para prolongar o operativo preto das eleccións autonómicas.»Hai que investir no mantemento do noso monte e non pensar só nas tarefas de extinción, e por riba dun xeito caótico» engadiu Bascuas.
Fonte- Nota Compromiso por Galicia
