Un accidente entre un camión e unha moto deixa unha vítima mortal. Trátase do motorista. O sinistro rexistrouse en Pontevedra, no quilómetro 0 da PO-10, no enlace coa AP-9. Foi o propio camioneiro implicado o que contactou co 112 Galicia minutos despois das 5:00 horas desta madrugada. Segundo explicou, o motorista quedara tirado na calzada logo de que a moto batese contra o seu camión.
Os profesionais do CAE 112 Galicia alertaron a Urxencias Médicas e aos Bombeiros de Pontevedra. Os efectivos sanitarios desprazaron ata o lugar unha UVI móbil para asistir ao motorista. Malia os intentos por reanimalo, nada se puido facer por salvarlle a vida.
Fonte- Nota de prensa AXEGA 112
