O secretario xeral de Compromiso por Galicia e candidato á presidencia da Xunta, Xoán Bascuas propón distintas medidas de apoio ós autónomos galegos xa que «non é xusto que os autónomos galegos cobren as pensións máis baixas do estado e os gobernantes non reaccionen».
Xoán Bascuas propón a equiparación das prestacións dos autónomos con respecto ós traballadores por conta allea, a creación dun Instituto Galego de Crédito Público e sobre todo que se escoite a este sector.O político galeguista comprométese a «levar a voz dos autónomos ao Parlamento de Galicia», pero pensa que tamén se debe optar pola reivindicación diante do goberno do estado.
