Cando Roberto Vilar comezou o último programa da tempada xa se viu que o público tiña gañas de marcha. «Outra, outra» berraban como se estivéramos nun concerto musical ou nunha potente verbena. E despois coa chegada de Eva Iglesias e Xosé Antonio Touriñán, este último recolleu o desexo do público e Roberto Vilar acabou entrando ao trapo.
Pero puxo o listón alto. Se querían un programa extra había que colocar o «Land Rober» co cancelo #LandRoberBIS como trending topic e situalo na primeira posición. E pouco a pouco foi subindo posicións ata colocarse na «pole position». Sumou uns 30.000 chíos.
Agora como nas partidas de pinball, os seareiros do programa da TVG terán como recompensa unha bola extra. A vindeira semana na galega.
