A corporación municipal da Laracha aprobou por unanimidade un convenio de colaboración coa Consellería de Sanidade que permitirá executar as obras de ampliación e reforma do centro de saúde e o punto de atención continuada (PAC) da Laracha.
Nesta sesión ordinaria tamén se dou luz verde a un expediente de modificación de créditos para transferir 32.159 euros para financiar a redacción do proxecto de construción do campo de fútbol de Caión e poñer en marcha unha aplicación informática relacionada co comercio e o fomento do emprego. A modificación nas bases de execución do orzamento autorizada permitirá conceder unha subvención nominativa á Comisión de Festas de Lendo como achega municipal para o desenvolvemento das celebracións parroquiais durante a fin de semana do 3 e 4 de xuño.
