Dirixentes de Compromiso por Galicia e Esquerda Unida tiveron un primeiro encontro de cara a promover «unha ampla plataforma cidadá, unha auténtica e exitosa marea galega liderada pola cidadanía».
A delegación de Compromiso estivo formada polosm membros da executiva nacional Rafael Cuiña, Manuel González e Zeltia Martínez. Por Esquerda Unida acudiron a xuntanza Yolanda Díaz e Rubén Pérez.
Fontes galeguistas falan dunha «xuntanza moi positiva e nun moi bo ambiente». O partido que lidera Xoán Bascuas defende que as organizacións políticas sexan «motores auxiliares» nun proceso «onde colla todo o mundo que queira un cambio político cunha visión galega e cun grupo parlamentario propio».