“Pídolles que volvan confiar no BNG, que volvan encher as urnas de votos ao BNG para ter un grupo galego forte no Congreso, porque se repiten ese apoio Galiza terá unha voz forte en Madrid capaz de defender os intereses do País e frear a alianza do PP coa extrema dereita antigalega”.
Deste xeito a portavoz nacional do BNG, Ana Pontón, apelou ás persoas que votaron ao Bloque nas pasadas eleccións municipais e autonómicas.
Foi nun mitin celebrado en Carballo, onde Pontón declarou: “Fronte aos que sempre din que NON, que Galiza non pode ter un grupo forte no Congreso, nós, unha vez máis, volvermos demostrarlles que SI, que o este é o momento de Galiza”.
1.500 PROPOSTAS
Neste acto, o candidato ao Congreso, Néstor Rego defendeu o seu traballo no Parlamento: “Máis de1.500 propostas referidas a Galiza demostran que un só deputado é máis útil para o noso país que 22 que dependen do que se decida nas súas sedes de Génova ou Ferraz”.
Tamén falaron os candidatos ao Congreso pola comarca, Xosé Antonio Andrade e Belén Lendoiro e o candidato ao Senado, Xesús Gómez Antelo.
