12.3 C
Santa Comba
miércoles, junio 12, 2024

O xesto responsable de Rubén Suárez

Había un acordo de goberno pero un dos concelleiros socialistas non chegou a tempo por motivos persoais e os números non lle daban ao PSOE. O Partido Popular, como forza máis votada, podería saír do pleno co bastón de mando, aínda que a cousa non tivera moito percorrido. O PP sumaba seis votos e PSOE e BNG outros tantos.

Manuel Ángel Leis explicou “unha situación excepcional” no atraso dun voo dun concelleiro do seu grupo, ao que “pediremos explicacións” e pediu a abstención do PP, para poder sacar adiante o pleno de constitución segundo o previsto.

Finalmente, o portavoz Rubén Suárez Carballo, despois de lembrar que foi o PP o gañador das eleccións, recriminar a “demagoxia continua” do goberno socialista e pedir a dimisión do edil ausente, xustificou a súa abstención para facilitar a elección de Leis, nunha actuación “sempre dentro da moralidade e da ética” e da “responsabilidade”.

Suárez tamén tivo palabras críticas contra o concelleiro do BNG, que demandaba “un cambio” pero acababa apoiando ao actual alcalde sen entrar no goberno.

Sen dúbida, o visto no salón de plenos foi todo un xesto cheo de responsabilidade e dignidade.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,250SuscriptoresSuscribirte

Últimos artigos