14.1 C
Santa Comba
domingo, julio 14, 2024

O PP acusa ao PSOE de “cometer unha felonía contra a vontade maioritaria dos fisterráns”

O Partido Popular de Fisterra quixo denunciar que os socialistas de Fisterra “cometeron unha felonía contra a vontade maioritaria dos fisterráns”, lembrando que este partido “manifestou que non apoiaría a Alternativa dos Veciños por tratarse dunha candidatura nacida do odio e dos intereses persoais”.

“Utilizan Fisterra como moeda de cambio”

Nun comunicado queren afirmar “alto e claro” que Fisterra “non é moeda de cambio de nada”. Para os populares “non é nada novo o feito de unirse entre as forzas menos votadas para non deixar que goberne a opción preferente dos fisterráns”.

O que sí lle resulta “novedoso” á formación que lidera Luis Insua “é que utilicen ao noso Concello coma moeda de cambio con outro concello para satisfacer intereses persoais e partidistas”, en referencia ao concello de Bergondo, onde Alternativa dos Veciños respaldou á alcaldesa do PSOE.

“O cambio de hora do pleno para as 13:00 horas así o demostra (cando na inmensa parte dos Concellos é as 12:00 horas). A xogada saiulles “ben” a PSOE e Alternativa dos Veciños, pois en Bergondo gobernará o PSOE e en Fisterra, Alternativa dos Veciños”.

O PP anuncia control do goberno

De tódolos xeitos, os populares expresan a súa noraboa á nova alcaldesa, Áurea Domínguez Sisto, e anuncian que “ demostraremos que para nós representar e traballar por Fisterra é o maior dos privilexios”.

E tamén avanzan cal será o seu traballo desde a oposición: ”O PP de Fisterra seguirá ao longo destes catro anos ao servizo dos fisterráns dende a oposición. Traballaremos e controlaremos firmemente ao actual goberno para evitar que as decisións persoais se antepoñan aos intereses común dos fisterráns.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos