O socialista José Antonio Pereira Gil volverá a ser alcalde do concello da Baña, grazas ao acordo de goberno acadado entre PSOE e BNG, que suman maioría absoluta.
Será investido este sábado cos votos dos cinco concelleiros socialistas e da edila nacionalista, Mónica González, que ocupará a primeira tenencia de alcaldía, formará parte da xunta de goberno. Pereira e González contarán con dedicacións exclusivas.
Nos vindeiros días perfilarase a repartición das áreas de goberno aínda que transcendeu que o BNG coordinará os Servizos Sociais e o PSOE a área de persoal.
O PP, na oposición
Volve a oposición o Partido Popular, que foi a lista máis votada con 19 sufraxios de diferencia sobre o PSOE.
Nesta pasada lexislatura houbo dous mandatarios, Pereira Gil, que foi apoiado por Compromiso por Galicia, partido que posteriormente participou nunha moción de censura contra o rexedor socialista, respaldando despois ao popular Andrés García Cardeso, que tivo o bastón de mando nos últimos tempos.
Esta foi a entrevista que lle realizamos durante a campaña a José Antonio Pereira
