O BNG de Ponteceso celebrou unha asemblea local e deixou claro que Lois García Carballido debería renunciar para que se valore calquera tipo de acordo.
Nun comunicado os nacionalistas afirman:
- Mantemos a posición comunicada en campaña electoral: o BNG non vai apoiar nin reforzar a investidura como alcalde de Lois García Carballido nin formará parte dun goberno con el.
- Se o PSOE quere que a nosa asemblea valore a posibilidade de iniciar algún tipo de negociación ou acordo: primeiro debe facerse EFECTIVA a renuncia de Lois García Carballido a tomar posesión da súa acta de concelleiro 2023/27. Así foi que o acordamos na nosa primeira sesión post 28M; así foi que a nosa portavoz, Fátima Rodríguez Gonzálvez, o comunicou o sábado á portavoz do PSOE, Noelia Varela; así foi que llo reiterou na mañá de hoxe, mércores 7; e así é que o volvemos acordar hoxe en asemblea local por segunda vez reunida despois do 28M.
