O Partido Popular de Fisterra foi a forza gañadora das eleccións municipais do pasado domingo con cinco concelleiros, por 3 de Alternativa dos Veciños, 2 do PSOE e 1 do BNG.
Ante os rumores e algunha información xornalística desde a formación que lidera Luis Ínsua desminte “que se fixera calquera tipo de ofrecementos as demais forzas políticas. Polo de agora non houbo contacto ningún máis alá das chamadas formais de noraboa e agradecemento”.
Os populares aclaran que “coma partido maioritario entendemos que Fisterra quere que sexamos nós os que gobernemos e así vamos actuar”.
