A vitoria do BNG en Corcubión cun 39,21% dos votos e 4 concelleiros provoca unha baixa na política local, a do líder socialista e alcalde nos últimos oitos anos, Manuel Insua.
Desde o PSOE entenden que “ a xente non soubo valorar” a dedicación de Insua e destacan que “contigo acabouse aquela crispación nos plenos pero que algúns quixeron facerche a vida imposible votando en contra da túa dedicación, para que non puideses levar un soldo a casa polo teu traballo de alcalde. Unha maneira indigna de facer política”.
Desde o PSOE anuncian que farán “unha oposición útil e constructiva para Corcubión” e que contan coa colaboración de Insua.
A nova corporación local de Corcubión estará formada por BNG-4- PSOE-2- Partido Popular-2- e Sempre Corcubión-1-
