11.9 C
Santa Comba
sábado, junio 15, 2024

Áurea Domínguez optará a alcaldía de Fisterra no pleno de investidura do 17 de xuño

Alternativa dos Veciños de Fisterra entrou con forza na corporación municipal, liderando á esquerda ao superar tando ao PSOE como ao BNG.

E confirmou este martes que a súa candidata “presentará a súa candidatura na sesión de investidura do próximo 17 de xuño para ser elixida a nova alcaldesa de Fisterra”.

Engaden ademais que “traballaremos intensamente para que Fisterra teña, por primeira vez, unha muller á fronte da alcaldía e, tamén por primeira vez, unha alcaldesa de Alternativa dos Veciños”.

O PSOE asegurou que non pactará con Alternativa

Algo que parece improbable se temos en conta o compromiso dos socialistas de non pactar con esta formación “xa que se trata dunha candidatura nacida do odio e do resentimento de persoas expulsadas do PsdeG-PSOE”.

Polo tanto, o popular Luis Ínsua, como candidato gañador das eleccións, podería ser alcalde de Fisterra. Agora hai que agardar que chegue o 17 de xuño.

Por outra banda, nas redes sociais o BNG recoñece que “lamentablemente os resultados acadados en Fisterra non foron os que desexábamos” aínda que manifestan que continuarán “loitando”.

Nestes comicios, o Partido Popular mantivo os cinco concelleiros que acadara con José Manuel Traba en 2019, Alternativa entra na corporación con tres representantes, o PSOE do ata agora alcalde José Marcote pasa de 4 a 2 concelleiros, e o BNG perde unha acta quedando cun só edil no pleno.

Este martes o PP desmentía que fixera algunha oferta a ningunha das demais forzas políticas.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,250SuscriptoresSuscribirte

Últimos artigos