O presidente nacional do Partido Popular, Alberto Núñez Feijóo, difundiu un vídeo personalizado para expresar o seu apoio a candidata de Camariñas, Paula Mouzo Más.
Feijóo enviou “unha aperta moi forte a Paula e a todo o seu equipo para que sexa posible un cambio en Camariñas”
Referiuse a Camariñas como “un fermosísimo pobo cunha extraordinaria xente”.
«Unha nova etapa en Camariñas»
E desexou sorte a súa candidata: “Desexo que o luns empecemos unha nova etapa en Camariñas da man do mellor partido de Galicia, do Partido Popular.
Esta semana tamén remitiron mensaxes de apoio en vídeo a Paula Mouzo, o Vicesecretario de Organización, Miguel Tellado e a Conselleira de Medio Ambiente, Ánxeles Vázquez.
Durante a campaña Mouzo contou co apoio de varios dirixentes. Nos dous actos celebrados na capital municipal de Camariñas, estiveron presentes a Conselleira do Mar, Rosa Quintana, e a de Infraestruturas, Ethel Vázquez. No acto de Ponte do Porto, a conselleira de Medio Ambiente, Ánxeles Vázquez, nos de Camelle e Arou, o portavoz parlamentario Pedro Puy Fraga e no de Xaviña, o secretario xeral provincial e portavoz popular na Deputación, Evaristo Ben Otero.
