13.5 C
Santa Comba
lunes, junio 10, 2024

Ánxeles Vázquez sorprendida co abandono da Ruta dos Muíños e coa xestión do goberno de Camariñas

A conselleira de Medio Ambiente, Territorio e Vivenda, Ánxeles Vázquez, participou no acto de posta en valor da Ruta dos Muíños e do Río do Porto, en Ponte do Porto, organizado polo Partido Popular de Camariñas.

Para Vázquez foi “unha desagradable sorpresa” comprobar o estado de abandono da Ruta dos Muíños, pola falta de limpeza, a invasión de vexetación nestes elementos patrimoniais e incluso a presenza de lixo nos muíños.

Amosouse “moi preocupada” por un espazo que ten moito potencial e “que tedes que proxectalo ó mundo”, e confiou nas propostas feitas por Paula Mouzo Más para potenciar este enclave.

Mouzo comprometeuse a realizar un plan de recuperación de muíños na zona, o desbroce dos camiños “do entorno dos muiños documentados con áreas de esparcemento no Pociño e A Pesqueira”.

O PP tamén propón no seu programa electoral a investigación da historia das aceñas, un plan de divulgación da ruta, a posta en marcha (alomenos) dun muíño, a recuperación ambiental do coto troiteiro, a eliminación de puntos negros e apois as iniciativas de deportes acuáticos e multiaventura.

Desleixo do PSOE local diante da Lei do Litoral

“Camariñas precisa un rexurdir” dixo Ánxeles Vázquez, que lamentou a falta de reacción do executivo socialista deste concello con respecto a Lei do Litoral:

“Non posicionarse e non asistir as reunións supón que non lles interesa que hai un desleixo coas veciñas e cos veciños” declarou, convencida de que o PSOE de Camariñas “algo terá que dicir” cando “o goberno central non quere permitir ningún tipo de actividade na costa” e cando “o que está paralizando toda a costa galega é o PSOE por algo ideolóxico”.

Falta de xestión do goberno de Camariñas

A Conselleira tamén lle chama a atención de que en Camariñas “nin sequera se pide a bonificación do 15% que lle permite SOGAMA” e que beneficiaría aos veciños, ou non se pidan as “axudas para a corrección de impactos paisaxísticos, que tampoco se solicitou”.

Vázquez Mejuto expresou o seu apoio ós proxectos trasladados por Paula Mouzo neste encontro.

Acompañada polo candidato pola parroquia, Juan Carlos Amado Sambade, e outros membros da candidatura, entregou un dossier co proxecto que quere desenvolver nesta fermosa paraxe porteña.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,250SuscriptoresSuscribirte

Últimos artigos