O presidente do Partido Popular na provincia da Coruña, Diego Calvo, reclamou unha maioría suficiente para poder poñer punto e final a un goberno de “bandazos e parches”.
Foi no acto de presentación da candidatura do Partido Popular de Cee, onde agradeceu a “valentía” de Picallo por encabezar a lista “unha persoa que ten ganas de devolver a Cee todo o que Cee lle ten dado”.
Calvo salientou que nos últimos anos Cee “perdeu moitas oportunidades por culpa de Gobierno Municipal caduco, sen ideas e sen proxectos”.
Tamén asegurou que as eleccións municipais teñen máis repercusión co propio ámbito municipal:“Ese día xogámonos moito en todos os concellos, pero tamén en España”.
Un goberno de Cee que vende fume
O candidato Jesús Picallo acusou ao goberno da socialista Margarita Lamela de “vender fume” durante catro anos e asegurou que “Cee merécese algo moito mellor, merece xente con novas propostas, con ganas, con ideas, ambición e ilusión e non gobernos personalistas nos que prevalece o comigo ou contra o min”.
En canto ao equipo de persoas que lle acompañan na candidatura, Picallo indicou que se trata de xente “capaz, traballadora, humilde e, sobre todo, boa xente con un único obxectivo que é conseguir a confianza da xente para poder construir un Cee mellor”.
