Continúan as presentacións de candidaturas electorais
Anova en Val do Dubra
Este xoves 27 de abril ás 9 da noite no Hotel Camiño de Santiago de Bembibre, terá lugar a presentación da candidatura de Anova – Val do Dubra.
Intervirá o candidato á alcaldía, Antonio Negreira Noya e o portavoz nacional, Martiño Noriega.
Acompañan ao exalcalde Negreira nos primeiros postos da candidatura Iván Barcia Fernández, Celsa Oreiro Bermúdez, Óscar Blanco Tasende e Rosa María Domínguez Rial.
Espazo Común en Mazaricos
O venres 28 de abril, desde as 22h, a Casa da Cultura da Picota acolle a presentación da candidatura de Espazo Común, liderada por Francisco Javier González Trillo, que foi concelleiro durante esta última lexislatura en Mazaricos.
González destaca este novo proxecto “despois de catro anos na oposición traballando polo futuro dos veciños, lidiando con situación complicadas e intentando melloralas”.
Acompañan ao candidato nos primeiros postos, Iria Hermida Gómez, Iván Manuel Caamaño Parada, Alexander Otero Esperante e Beatriz Pérez González.
