Silvia Gómez Gómez é a candidata de UCIN á alcaldía de Tordoia. De profesión arquitecta técnica, salta a area polícia convencida que “para dar solución aos problemas existentes debemos colocar ao conxunto dos veciños no centro das nosas políticas deixando ao carón os intereses persoais e poñer en valor os recursos existentes a día de hoxe en Tordoia”.
Un concello coa poboación envellecida e con falta de servizos básicos
Desde UCIN apostan por “un concello accesible, práctico e cómodo para vivir. No que a xente que aposta polo rural teña servizos e se sinta atendida cando o precisa”.
Gómez lembra que “Tordoia é un concello rural con uns 3000 habitantes e cunha poboación moi envellecida. Desde o ano 2000 perdéronse aproximadamente uns 2000 veciños e con tendencia a seguir empeorando”.
Asegura que se chegou a esa situación por diferentes motivos, a falta de servizos básicos, a carencia doutros necesarios como a fibra óptica ou as deficiencias nas comunicacións.
