7.1 C
Santa Comba
martes, febrero 27, 2024

Besteiro pide o voto en Camariñas “para sacar aos mentirosos da Xunta”

O candidato do PSdeG á Presidencia da Xunta, Xosé Ramón Gómez Besteiro participou nun mitin en Camariñas no que pediu o voto para “saldar as débedas da Xunta coa Costa da Morte” e “sacar aos mentirosos da Xunta”.

Un dos compromisos de Besteiro é o da autovía:“Feijóo e Rueda estiveron moitos anos tomando o pelo aos veciños e veciñas desta comarca coa Autovía da Costa da Morte, deixando a este territorio con infraestruturas do século pasado”.

Tamén criticou as deficiencias na cobertura sanitaria e comprometeuse a recuperar os servizos de pediatría a xornada completa, a implantación dun servizo de Cardioloxía no Hospital Comarcal Virxe da Xunqueira de Cee e a construción dun novo centro de saúde en Fisterra. Dixo que se goberna mellorará o transporte público.

A candidata número un pola Coruña, Patricia Iglesias, remarcou “que o PSOE é un partido profundamente feminista” e que “este 18 de febreiro as mulleres xogámonos moito”. Por elo, emprazou a “todas as mulleres galegas, traballadoras, loitadoras, saímos a votar polo cambio, Besteiro será presidente da Xunta de Galicia”, remarcou.

No mitin de Camariñas falou tamén a alcaldesa, Sandra Insua que criticou “a discriminación que sofre o concello” por parte do Partido Popular.

O candidato número 6 e concelleiro camariñán, Fabián Canosa, referiuse os problemas do sector marisqueiro: “Levamos tres anos sen berberecho nas nosas praias e a Xunta de Galicia non fai nada por axudar á nosa xente”.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,210SuscriptoresSuscribirte

Últimos artigos