O Partido Galego preséntase ás eleccións europeas en solitario nunha candidatura “100% galega” encabezada por Olga Dourado González.
A candidatura inclúe a cinco persoas de Santa Comba: Montse Almozara, Elvira Turnes, Cristina Barcia, Anxo Ares e Ana Lucía Barcia.
Tamén hai unha ampla presenza da comarca de Bergantiños, cos concelleiros do partido en Ponteceso Juan Vidal Torrado (número 2 da candidatura) e Raquel Fondo ou a carballesa Patricia Rodríguez Cruz.
A candidata Olga Dourado e o secretario xeral do PG, Miguel Míguez visitaron este mércores a localidade de Santa Comba, onde, entre outras cousas, gravaron unha entrevista en Radio Xallas, que será emitida o vindeiro martes 4 de xuño a partir das 12 do mediodía.
Desde o Partido Galego explican que os seus eixos fundamentais son o galeguismo, o rural e o ecoloxismo.
