Alfredo Manuel González López, integra a promotora e a candidatura coruñesa de Sumar Galicia, o partido de Yolanda Díaz.
Considera que é necesaria a alternativa de Sumar: “Temos un país paralizado cun goberno que está en coma. E a oposición foi bastante tibia”.
Nunha entrevista no programa “Na Encrucillada” de Radio Xallas convidou a ler os programas electorais e defendeu as propostas “transversais” do seu partido.
Propostas de Sumar Galicia
Propoñen a creación de residencias comarcais públicas, o apoio a entidades sociais, dando moita importancia á saúde mental, e a creación dunha empresa pública de autobuses con máis rutas.
González, veciño de Corcubión, está contento de que se recollera no programa a proposta do deputado republicano Pepe Miñones do Tren das “3C” Coruña- Carballo-Corcubión.
Ten a sensación de que en “Galicia haberá cambio e vai estar Sumar Galicia, haberá un goberno progresista a tres”.
“Apostar por Sumar é cambio seguro tanto no goberno como nas formas de facer política. Somos a garantía de que os acordos se cumpran”.
Destaca a experiencia e goberno da candidata Marta Lois.
