Adrián Abuin ocupa o segundo posto na candidatura do PACMA pola provincia da Coruña. Comenta que a súa formación traballa “en beneficio das persoas e dos animais máis necesitados”.
Considera que os anos de “rede clientelar” do PP non foron positivos: “A xuventude non pode quedar e emigra contra a súa vontade. Hai un problema de aluguer e tamén de illamento dos nos maiores con falta de recursos públicos asistenciais, de transporte ou de estradas”.
Nunha entrevista en Radio Xallas criticou tamén o papel da oposición parlamentaria que non se ocupa dos “problemas de raíz” e “teñen unha oposición conservadora e non arriscan nin ven políticas a longo prazo”.
Apoio ás protectoras de animais
Unha das propostas do PACMA (Partido Animalista con el Medio Ambiente) é a protección do monte galego: “Os montes non arden por casualidade” e hai razóns importantes como “o abandono do corpo dos bombeiros e o monocultivo”.
Estiman que hai que volver “a biodiversidade” destes espazos e protexer “as nosas costas e os nosos espazos naturais”.
Demandan máis apoio para as entidades protectoras de animais que están abandonadas cunha “criminalización e persecución a base de multas os voluntarios” que realizan distintas accións.
“Non se pode masacrar a todo animal que estorbe” manifesta Adrián Abuin que pide a protección da fauna salvaxe xa que “ os animais non son os inimigos e teñen que ter o seu espazo”.
Para escoitar a entrevista, a partir do minuto 53 deste enlace
