DebateCRTVG. O politólogo e escritor Álvaro Rodríguez Núñez valorou o debate no programa “Na Encrucillada” de Radio Xallas e destacou tanto a intervención do candidato do PP, Alfonso Rueda como da aspirante do BNG, Ana Pontón
Para Rodríguez o debate tivo dúas fases. A primeira “cun debate confuso, aburrido e peliculeiro” e “a partir da segunda metade sendo un debate de verdade” onde “o máis destacado foi a confrontación entre Alfonso Rueda e Ana Pontón e o máis negativo as macropropostas que se fixeron”.
Alfonso Rueda «forte, realista e sensato»
“Alfonso Rueda estivo ben, Ana Pontón demostrou ser a alternativa e Besteiro ni fu ni fa” resumiu o analista.
En relación a Alfonso Rueda pensa que “saíu reforzado” deste debate e amosouse como “un presidente forte, realista e sensato”.
Pensa que non ten “espontaneidade” cómo Feijóo pero “fíxoo ben tendo que responder a catro e defender a súa xestión” no mesmo espazo.
Ana Pontón con «ganas e capacidade»
Considera que a candidata do BNG, Ana Pontón, demostrou ser “ a alternativa” con “ganas e capacidade”
Sobre Xosé Ramón Gómez Besteiro pensa que fixo un discurso “de manual e de Ferraz” e que “ non estivo á altura” incluso con momentos “surrealistas” e un papel “frouxo”.
Tampouco lle deu moito mérito o papel de Isabel Faraldo (aínda que destacou a súa “enerxía”) e de Marta Lois, das que dixo que eran respectivas fotocopias de Pablo Iglesias e Yolanda Díaz.
Podes escoitar a valoración completa de Álvaro Rodríguez a partir do minuto 30.
