O Partido Galego celebra este sábado unha reunión do seu Consello Nacional para decidir se se presentan ás eleccións autonómicas do 18 de febreiro.
Este próximo luns termina o prazo de presentación de candidaturas, e a formación galeguista reúnese en Carballo para tomar a decisión.
Partido Galego de Carballo
Antes, na capital de Bergantiños terá lugar a presentación da agrupación local do Partido Galego de Carballo (Cafetería Habanos 79, ás 17:30h).
Desde o Partido Galego sinalan que a elección de Carballo “non é casual” xa que se presentará unha “agrupación moi potente, con persoas moi comprometidas con Carballo”.
FOTO- Dirixentes do Partido Galego nunha homenaxe a Castelao recente
