Espazo Común Galeguista oficializou a súa participación electoral
Espazo Común Galeguista rexistrouse como coalición na Xunta Electoral de Galicia. O partido liderado polo líder de Espazo Común e ex-secretario do PsdeG, Pachi Vázquez, coaligouse con Unidade Local.
No acto de presentación, Pachi Vázquez, estivo acompañado por Luisa Feijóo e Francisco Javier González Trillo, membros de Espazo Común e concelleiros en Ames e Mazaricos e polo secretario xeral de Unidade Local, José Juan Santos.
Xa teñen pechadas as candidaturas en A Coruña, Lugo e Ourense e agardan concorrer tamén en Pontevedra.
Centro esquerda galeguista
Desde Espazo Común Galeguista lanzan a seguinte mensaxe:
“Agora é tempo de sementar; de poñer esa semente que sexa o xérmolo dun novo espazo, unha nova política , un centro esquerda que defenda estrictamente os intereses do noso pais para que tódalas persoas que pensen coma nós , que Galicia ten que ser o primeiro, teña a ben votarnos”.
Pretenden ocupar “ un espazo actualmente desatendido en Galicia” como é o centro socialdemócrata e galeguista e lembran a súa experiencia no municipalismo con representación en 22 concellos de tres provincias galegas.
Aseguran estar en contacto “con otros pequenos grupos cos que comparten ideoloxía e forma de ver a política” e convidan a unirse a otras formacións que o desexen.
Nun comunicado de prensa engaden:
“ O noso é unha carreira de fondo, non nos preocupan tanto os resultados inmediatos, somos persoas cas ideas moi claras, con moita ilusión e gañas de cambiar o que xa existe, con vocación de servizo público e as que nos gusta a política, a política de verdade, con maísculas, a que sirve para axudar e mellorar a vida dos galegos e galegas”.
