O panorama meteorolóxico e a existencia de máis alternativas deportivas non impediron que os promotores do clásico torneo de fútbol-7 de Santa Sabiña quixeran manter o seu compromiso cun dos trofeos máis lonxevos da provincia.
18 equipos participaron nunha competición que foi gañada polo Rosfavi (foto de portada). Houbo equipos procedentes de Santa Comba, Negreira, A Baña, Cabana, Carballo, Bastavales(Brión) e incluso Betanzos.
O cadro de honra quedou así:
-1* Rosfavi (Trofeo donado por Motos López)
-2* Gesto y García ((Trofeo donado por Comercial Espaher)
-3* Santa Sabiña (Trofeo donado por Cristalería Vilas)
-4* Facal Construvi (Trofeo donado por Excavaciones Souto).
Desde a organización destacan o aumento do nivel rexistrado: “O que se pode observar é que cada ano os equipos son máis competitivos, son como seleccións de xogadores, con moita calidade, e físicamente coma motos. Non é como fai anos que se xuntaban 4 amigos para unha pachanga”.
E no apartado dos agradecementos mencionan ao Concello de Santa Comba, Deputación da Coruña e casas comerciais, amigos e veciños.
