O deporte escolar e de base de Santa Comba acadou novos resultados destacados nas últimas competicións autonómicas e provinciais.
Catalina Ramos López
No Campionato Galego Escolar de Ximnasia Rítmica, disputado en Pontevedra, a deportista Catalina Ramos López formou parte do equipo sénior do Club Rítmica Compostela que se proclamou campión galego da súa categoría.
Mia Castro Tuñas
Tamén en Pontevedra, a ximnasta Mia Castro Tuñas, integrante do Club Ximnasia Rítmica Viravolta Santiago, conseguiu o título de campioa galega escolar na categoría alevín. O seu equipo rematou na primeira posición nun campionato no que participaron máis de trinta conxuntos procedentes de distintos puntos de Galicia.
CEIP Pepe de Xan Baña
Por outra banda, o equipo benxamín feminino de campo a través do CEIP Pepe de Xan Baña proclamouse campión provincial escolar na competición celebrada no Porto do Son. O conxunto estivo integrado por Nayra García Lago, Antía Gabín Carballo, Nerea Capelo Torreira, Julia Sande Barreiro, Alba Allo Ares e Ainara Calvo Vázquez.
O título chegou tras a suma dos resultados individuais das atletas nunha proba que reuniu a equipos de toda a provincia. Este triunfo permite ao centro pechar unha destacada tempada no deporte escolar.
Tres éxitos que sitúan a deportistas de Santa Comba entre as mellores das súas respectivas disciplinas e categorías durante a presente campaña deportiva. Os nosos parabéns !!
