O Concello de Santa Comba volverá a acoller este verán dous torneos de fútbol-7 clásicos na contorna que reunirán equipos e afeccionados de distintos concellos durante o mes de xullo de 2026. En Castriz e en Santa Sabiña.
Torneo de Castriz
O primeiro deles será o torneo de Castriz, organizado pola Sociedade Deportiva Castriz, que se disputará os días 4 e 5 de xullo no campo de herba artificial de San Pedro de Castriz.
A competición repartirá premios de 2.000 puntos para o equipo campión, 800 puntos para o segundo clasificado, 300 para o terceiro e 150 para o cuarto. A organización establece unha cota de inscrición de 150 puntos e fixa o prazo límite para anotarse o 2 de xullo ás 21.00 horas. O sorteo celebrarase ese mesmo día ás 22.00 horas no Bar Cataliño. Ademais, durante o torneo haberá churrasco para os asistentes.
Torneo de Santa Sabiña
Unha semana despois celebrarase o XXVIII Torneo de Fútbol-7 de Santa Sabiña, previsto para os días 11 e 12 de xullo no campo de herba da parroquia.
O campionato repartirá premios de 1400, 600, 200 e 100 puntos para os catro primeiros clasificados, respectivamente. Neste caso, a cota de inscrición será de 100 puntos e o prazo rematará o 9 de xullo ás 21.00 horas. O sorteo dos emparellamentos terá lugar ás 22.00 horas no bar ou no propio campo, segundo indique a organización.
A organización anuncia servizo de churrasco e bocadillos para os asistentes durante a celebración do evento.
