O Xallas FC comezará en Arteixo a súa loita polo ascenso á Primeira Autonómica. O rival será o Suevos C.F., equipo da Segunda Autonómica coruñesa que rematou na quinta posición da súa liga.
Será unha eliminatoria a dobre partido. O primeiro match no campo dos Ríos (Suevos), o domingo 31 de maio. A volta será en Fontenla á semana seguinte.
No caso de superar esta eliminatoria quedará un último enfrontamento contra o gañador da eliminatoria entre Atlético Castros e Rodeiro.
Pola súa banda o C.D. Baio empeza recibindo no Platas Reinoso ao San Sadurniño (31 de maio). Se elimina ao equipo de Ferrolterra xogarase o ascenso contra o vencedor da eliminatoria entre Narahío U.D. e Agrón-Barcala.
O ascenso do Xallas ou do Baio salvaría ao Sofán B do descenso á Terceira da Costa. No caso de ascender os dous clubs tamén evitaría o descenso a U.D. Monte Louro.
