O Xallas FC continuará na Primeira División do fútbol galego feminino. O equipo adestrado por Eloy García Feteira gañou a domicilio fronte ao Carral por 3-4.
Nun partido marcado polas baixas, que non amedrentaron ás pupilas de Eloy, o conxunto xalleiro logrou unha vitoria con goles de Olalla Antelo “Oli”, Paula Barcia, Claudia Espasandín e Carla Landeira. O peor do encontro foi unha nova lesión, a de Graciela.
“Selamos a permanencia e poderemos disfrutar dun ano máis en Primeira”, comentaba con satisfacción Eloy.
Faltan catro xornadas para o remate da competición. O Xallas FC ocupa a undécima praza e a vindeira fin de semana recibirá en Fontenla ao Atlético Villalonga F.F. “B”.
Os obxectivos da tempada xa están cumpridos coa permanencia, e agora queda poñerlle o broche final coa Copa da Costa.
