Os dous primeiros clasificados da Segunda Autonómica da Liga da Costa xogarán este vindeiro domingo 12 de abril no campo da Grixa.
Como líder da categoría chega o Xallas CF de Bruno e Churián a Ponte do Porto para medirse ao segundo clasificado, o CF Porteño de Cristian Mayor. Dous conxuntos separados por tan só un punto que disputarán un encontro que se presenta moi emocionante e a priori igualado e que comenzará ás 16:30h.
Se non pasa nada raro, no campo tamén estarán os dous máximos artilleiros da competición, o fisterrán Bruno Romero (Porteño) que leva 22 goles e o xalleiro Bryan García (Xallas) que suma 17 dianas.
Os xalleiros alcanzaron o liderado na última xornada despois de golear ao Ponteceso e aproveitando o empate do Porteño en Vimianzo. Os porteños xogaban o pasado domingo a semifinal da Copa da Costa, quedando eliminados na quenda de penaltis, logo do empate sen goles fronte ao Malpica.
A falta de seis xornadas a Liga da Costa preséntase vibrante tanto na zona alta como na loita pola salvación.
Polo título pelexan Xallas con 45 puntos, Porteño con 44, San Lorenzo 42, e Baio 40 puntos, con Outes (37) e Malpica (35) máis distanciados.
Con 18 puntos en xogo a loita polo descenso pode aínda dar sorpresas. Así de apretada está a clasificación-
7- Sofán b- 33 puntos
8- Cabana- 32
9- Soneira- 32
10- Corme- 32
11-Ponteceso-31
12- Corcubión- 30
13- Mazaricos- 27
14-Muros- 26
15- Sporting Zas- 25
16- Monte Louro-24 puntos.
PRÓXIMA XORNADA
U.D. MONTE LOURO – SPORTING ZAS
U.D. CORCUBION-CORME C.F.
OUTES F.C,- C.D. MUROS
S.C.D. MALPICA -SOFAN S.D. «B»
CABANA S.D.- SONEIRA S.D.
C.F. PORTEÑO-XALLAS F.C.
PUENTECESO S.D.-S. D. SAN LORENZO
C.D. BAIO- MAZARICOS C.F.
