O Muxía CD e a SCD Malpica certificaron o seu pase á final da LXI Copa da Costa de fútbol masculino que se disputará no campo Irmandiño de Vimianzo o vindeiro 24 de maio.
O Muxía gañou no campo da Arliña a S.D. Sofán por 2 a 1. Adiantouse Manu Nogueira (min 50), empataba Montero (min 60) e marcaba o tanto da vitoria para o equipo muxián Fran Moreira (min 75).
Pola súa banda Malpica e Porteño empataban sen goles na Pedra Queimada, e finalmente desde o punto de penalti lograba a clasificación o conxunto local (6-5).
Neste torneo o Muxía eliminou a San Lorenzo, Camariñas, Castriz e Sofán e o Malpica a Buño, Lira, Fisterra e Porteño.
Foto portada- Marina Busto
