A S.D. Castriz perdeu na súa visita ao campo do Bertamiráns a pesar de adiantarse en dúas ocasións por medio de Josiño e Juanjo. Pero non foi a derrota o que máis indignou ao equipo xalleiro, senón a arbitraxe de Julián Buján Vidal, que consideran inxusta e prexudicial para o conxunto. Así o manifestou o adestrador José Barca nos micrófonos de Radio Xallas. FOTO DE ARCHIVO
Declaracións de Barca desde o minuto 54 deste podcast
“Non me gusta falar dos árbitros, pero tocounos un árbitro bastante déspota, incluso maleducado, que nos faltou bastante ao respecto a min e a varios xogadores”.Barca referiuse a unha entrada dura sobre Brais “que impacta na cabeza do noso xogador, deixándoo tirado; era un penalti clarísimo”.
Ademais, lamentou que, aparte deste “puñetazo” recibido e do penalti non sinalado, o colexiado debería aplicar o protocolo “e automaticamente parar o partido”.Engadiu que na xogada seguinte houbo outra dura entrada sobre Fabio cando “encaraba só a portería” e, despois de recibir “un codazo bestial”, non se sinalou nada.
Iso si, foron expulsados Samuel Castro e o segundo adestrador, Fran Calvo, por protestar.José Barca asegurou estar “fastidiado” polo “gran partido que fixeron os nosos xogadores nun gran campo”, sen obter recompensa algunha.O adestrador asegura que o club “tomará medidas”, xa que dispón do vídeo do partido no que se sustenta a veracidade dos feitos.
