Santa Comba acolleu o campionato provincial de combate que congregou no pavillón de Fontenla a uns 280 deportistas. Desde a asociación In Nae valoraron moi positivamente o evento celebrado por primeira vez neste municipio. Contaron coa colaboración do club Maniotas e do concello de Santa Comba.
Se no aspecto organizativo foi un éxito no apartado deportivo a xornada tamén trouxo cousas positivas.
Nico Vilariño quedaba campión na categoría cadete e Iria Amigo era a segunda clasificada na categoría infantil, onde Liam Yeray e Christian Bustelo eran terceiros. Un bronce sumaba tamén a precadete Sara Muíño.
O In Nae tamén estivo representado ademais por Alba Amigo, Antía Arijón, Luz Pose, David de Souza, Carla Barcia e Bruno Ferreiro.
