Hai un feixe de anos que durante un programa de radio bauticeino como O Tigre de Bazar. Segue ruxindo polos campos da Costa. Sergio Prego Cancela.
Cal é o secreto?
“Creo que moito é a ilusión, as ganas de seguir competindo, de que che guste adestrar, de que chegue a noite e botes de menos ir ao campo de fútbol, xogar a pachanga, é amor polo fútbol”.
O Xallas na zona alta
No programa “Na Encrucillada” de Radio Xallas, Doro falou do avance da tempada do Xallas FC: “ Queremos estar aí arriiba canto máis tempo mellor. Se podemos chegar o final da tempada tendo opción de meternos no Play-off ou de gañar a Liga da Costa sería o máis bonito que lle podería pasar o club”.
Considera que é moi importante ir sumando puntos xa que “é unha liga moi longa e non sabemos como se vai a portar con nós en tema de lesións ou tarxetas, ou que xente importante poda pasar malos momentos.Sacar un bo colchón de puntos e se podemos facer unha grandísima tempada, pois,e vai quedar aí para a historia do club”.
Sobre os outros aspirantes a pelexa aínda é cedo pero o Gran Capitán verdinegro fala de Camariñas. Soneira, Baio e algún máis que se poda sumar sen esquecerse do Porteño que cun arranque irregular é un dos chamados a estar na parte alta.
Traballo na canteira
Nesta entrevista, O Tigre de Bazar destacou o bo momento do equipo feminino e boa saúde das categorías de base da entidade que son o máis relevante: “Queremos que sigan saíndo rapaces para o primeiro equipo, que aporten o seu gran de area”.
Falando de lembranzas e recordos, Doro ten moitos na retina. “ Daquela había móbiles pero non gravaban esas cousas”. Polo tanto goles co Malpica na Terceira División ou co Castriz, cando foi pichichi da Liga da Costa: “Acórdome dun que marquei de media chilena”.
Confesa que antes de retirarse gustaríao repetir: “Quero marcar un gol de chilena antes de colgar as botas, que xa o teño marcado, pero gustaríame de volver a marcalo, e loito moitas veces para facelo, pero , a ver se hai sorte, e esta tempada pode caer algún”.
