O Carral recibía en O Castro ao equipo dirixido por Miguel Chouza, con dúas vitorias consecutivas. Pero atopouse a un rival cun nivel técnico, físico e táctico moi bo que puxo en apuros aos locais.
A S.D. Castriz adiantouse por medio de Borja Gándara cun servizo de Mata e aínda que o Carral acabou empatando e xogou cun home menos, tras a expulsión de Noli, os xalleiros deron a cara e mesmo puideron levar o partido. Miller tivo unha ocasión moi clara nas súas botas.
Miguel Chouza dixo sentirse “moi contento” e destacou que “creamos moítisimas complicacións ao Carral e xogamos moi ben. Se alguén mereceu a vitoria foi o Castriz pero podemos dar por xusto ou empate”.
A S.D. Castriz ten 4 puntos e o domingo recibirá en San Pedro ao Agolada, que de momento suma 1 punto.
Resultados Primeira Autonómica- Grupo II
Bastavales-2- Muxía-0-
Fisterra-4- San Lorenzo-4-
Vea-0- Club do Mar-2-
Vizoño-0- Esteirana-3-
Tordoia -2-Calo-3-
Agolada-0- Vista Alegre-0-
Carral-1- Castriz-1-
Praíña -1- Bertamiráns-0-
Boimorto-3- Dumbria-1-
