As instalacións deportivas da Conco acollerán entre o 12 e o 14 de abril o torneo preeuropeo sub18 de voleibol.
O combinado español, dirixido por Fredison Mosquera, xa estará pola Costa da Morte desde o 7 de abril e xogarán contra a selección portuguesa, con carácter amigable.
Dous equipos acadarán a clasificación para o Campionato de Europa. A entrada para ver os partidos será gratuita.
Encontros
Venres 12 abril:
16:30 h Alemania vs Ucraína
19:00 h España vs Países Baixos
Sábado 13 abril:
16:30 h Ucraína vs Países Baixos
19:00 h Alemania vs España
Domingo 14 abril:
16:30 h Países Baixos vs Alemania
19:00 h Ucraína vs España
O Vicepresidente da Real Federación Española de Voleibol e presidente autonómico, José Ángel Luna, agradeceu o traballo que están desenvolvendo no concello de Dumbría con este deporte.
O alcalde dumbriés, Raúl González Lado, declarou que o feito de que se escollera Dumbría para este torneo foi “unha explosión de alegría” xa que “o deporte situará, de novo, Dumbría no mapa internacional”.
Aparte da importancia de organizar o evento e da proxección do concello, destacou que dous deportistas locais xogarán coa selección española.
Son Iago Larrañaga Ledo e Tiago Fernández Vaquero. Os dous amosátonse moi contentos de estar coa selección e poder xogar na súa terra grazas ao compromiso do concello de Dumbría.
