O presidente do Xallas e xogador, Sergio Prego “Doro” asegurou en Radio Xallas, que o partido que disputarán o domingo no Carral fronte ao Sofán B “é un partido clave e un partido case definitivo, se gañamos deixarémolos a 14 puntos”.
Doro destaca o potencial do rival pero asegura que “o noso obxectivo é manter o colchón de puntos” xa que “ter esta posición tan destacada é algo moi bonito”.
Ten confianza en continuar neste camiño ata o fin “sempre que non pase unha hecatombe”, e valora a labor dos adestradores Bruno e Churián:
”É unha dupla increible que está facendo un grandísimo traballo e xunto co compromiso dos xogadores, o resultado está dando os seus froitos”.
O presidente do Xallas FC está “moi contento de como vai indo todo” nas distintas categorías da entidade, aplaudindo a implicación de xogadores, técnicos, familias e afición.
