O campo de fútbol de San Pedro acolleu un torneo de fútbol-7 organizado pola S.D. Castriz que calificou de “éxito total” esta competición e quixo agradecer o apoio recibido:
”Moitísimas gracias a tódolos xogadores que participaron, ós patrocinadores que fixeron posible esta festa do fútbol afeccionado e, por suposto, ós voluntarios que botaron as dúas mans desinteresadamente”.
No aspecto competitivo o torneo foi gañado por Maderas Jesús Gómez que derrotou na final, por un marcador amplo ao Brasería Carballo.
O terceiro posto foi para “Xamonería” e o cuarto para o conxunto de Cervecería D´Mara. En total participaron 28 equipos. Ata cuartos de final chegaron Carballo Sala, Rambleta, Pizzería Muíño e Aston Birras.
O trofeo ao máximo goleador foi para Mario Rodríguez (Brasería Carballo), e o do porteiro menos goleado foi para Iván Baña(Maderas Jesús Gómez). Os trofeos foron cedidos por Electro Xallas Santa Comba.
