A V Carreira Pedrestre de Mazaricos, integrada no circuíto de carreiras populares 'Correndo pola Costa da Morte' terá lugar o domingo 8 de maio a partir das 10.30 da mañá. O evento contará con seis competicións distintas e será amadriñado pola atleta Teresa Castro Villaverde.
O prazo da inscrición na carreira remata ás 23.59 horas do vindeiro domingo, 1 de maio. A inscrición ten un prezo de 8 €+1 €. As inscricións poden facerse na web www.correndopolacostadamorte.com. Parte da recadación irá destinada á loita contra o cancro, en colaboración coa Asociación Española Contra o Cancro.
Tódalas categorías partirán do Campo da Feira da Picota. Ás 10.30 dará comezo a competición da categoría Alevín (nados de 2011 a 2012), Ás 10:45 partirán as e os corredores de Benxamín (nados entre 2013 e 2014), e ás 11h será a quenda da categoría Pitufo (nados entre 2015 e 2019). Ás 11:15 tocaralle ás persoas nacidas en 2006 e anteriores na categoría “3K contra o cancro”. Xusto a continuación, ás 11.:17h, partirán Infantil (nados de 2009 a 2010), Cadete (nados entre 2008 e 2009) e Xuvenil (nados de 2005 a 2006). Xa ás 12h partirá a categoría Absoluta 10K (persoas nadas en 2006 e antes). Hai tamén unha Fila 0 cuxa inscrición pode facerse cun importe mínimo de 1 €.
A última edición desta carreira tivo lugar en 2019, sendo imposible a súa realización nos dous anos seguintes por mor da pandemia de COVID-19.
FONTE CONCELLO DE MAZARICOS
