– R.L.-
Andrés Parga González, un xove bailarín de 15 anos de Ponte do Porto, proclamouse esta fin de semana campión de España de baile caribeño en parella na modalidade iúnior.
A competición celebrouse os días 20 e 21 de marzo na Cidade Deportiva Camilo Cano, en La Nucia, Alicante. Andrés Parga, unha xove promesa do baile galego de competición, acadou o primeiro posto xunto á súa parella Soraya Santos.
Ademais, logrou a medalla de bronce na categoría de baile de salón estándar dentro da Copa Promoción. Andrés leva desde os 9 anos compatibilizando os torneos e as probas cos seus estudos, xa participou en programas de baile de tv e este novos éxitos danlle mais forza para seguir adestrando e buscando novos obxectivos.Pertence ao clube Arte e Movemento, que entre outros deportistas ten nas súas filas á xalleira Melani Lois Barcia.
