O deportista xalleiro Fernando Baña Amigo proclamouse subcampión galego absoluto de Taekwondo na categoría de menos de 68kg, no evento celebrado en Ourense.
Un meritorio premio acadado por un deportista de categoría iunior, que compite co clube Maniotas de Noia. Un símbolo de perseverancia e esforzo que segue dando boas novas ao concello de Santa Comba.
Logrou a “prata” logo de medirse na final a Edgar Batista Emboirik(Natural Sport Ribeira). O terceiro posto foi para Martín Conde Abad.
Fernando Baña segue adestrando. E acadando éxitos nuns tempos nos que a actividade deportiva estivo limitada. Desde aquí a nosa noraboa ao mozo do Busto, que volveu a competir e dun xeito moi notable. Parabéns Nando!!!
