Trescentos deportistas daranse cita nas instalacións do Conco.
A Federación Galega de Fútbol escolleu o campo de fútbol do Conco, no concello de Dumbría, para celebrar a primeira fase do campionato galego de seleccións comarcais sub 12 de fútbol que terá lugar o vindeiro mércores 6 de decembro.
O vicepresidente da Federación galega de fútbol, Juan Villamisar, asistiu á presentación do evento acompañado polo alcalde de Dumbría, José Manuel Pequeño e polo presidente do C.F. Dumbría, César Ferrío, entidades que colaboran coa organización, que corresponde ao ente federativo.Tamén asistiron o director da escola galega de adestradores,Manuel Mosquera, o delegado da federación na costa, Manolo Corredoira e varios membros do goberno local.
“Pensamos en facelo na Costa da Morte e o sitio adecuado era Dumbría” sinalou Villamisar que comentou que “sempre me chamou a atención as boas instalacións que tiña o concello de Dumbría”.O alcalde José Manuel Pequeño sentiuse “encantado” da elección e agarda que o 6 de decembro “a xente se acerque ao Conco” e “sexa un día festivo na Costa da Morte”.Tamén puxo en valor que isto supoña o debut do combinado da comarca.
Participarán as seleccións de Costa da Morte, Santiago, Ourense, Lugo, Vigo, A Coruña e Pontevedra, en categoría masculina e tódalas anteriores excepto a da Costa da Morte, en categoría feminina.Ademais presentouse un curso de monitor de fútbol sala que se desenvolverá en Dumbría no mes de xaneiro.
