9.3 C
Santa Comba
viernes, marzo 29, 2024

Santa Comba celebrou a Gala do Deporte 2017

Seis entidades e un deportista individual foron os protagonistas desta Gala do Deporte.

O multiusos de Santa Comba volveu a celebrar unha nova edición da Gala do Deporte que recuperou o formato inicial. Co auditorio cheo, a velada comezou cunha exhibición de baile a cargo de Melanie Lois e Christian Domínguez e o saúdo da concelleira de deportes, Silvia Cancela, que dixo sentirse “orgullosa deste gran momento” e reiterou a intención do seu departamento de continuar “apoiando ao deporte de base”.O evento foi presentado por Diego Viaño.

O delegado provincial da federación de Balonmán, Bruno López, foi o encargado de entregar o primeiro dos premios da noite, ao equipo infantil feminino do Balonmán Xallas. As rapazas, os técnicos e o presidente do club David Barbeira recolleron a distinción.

A alcaldesa María Pose entregou o premio de Fernando Baña, que destaca no taekwondo, e o padriño da gala, o ciclista Ezequiel Mosquera foi o encargado do recoñecemento do equipo xuvenil do Xallas F.C., recollido polo presidente José Manuel Pérez Gorgal e por varios membros do equipo.

Dous clubs do Xallas F.C. tamén foron premiados. Os alevíns adestrados por Jota e os prebenxamíns de Rupper. Roberto García e Silvia Cancela entregaron os premios. No acto emitiuse un saúdo en vídeo do adestrador Joaquín Caparrós.

A concelleira de deportes tamén entregou o recoñecemento da asociación de pesca Santa Comba-Xallas e por último Ezequiel Mosquera recibiu a unha representación do club ciclista Santa Compaña, cunha mención especial a unha das súas promesas, Daniel García.

Posteriormente a alcaldesa María Pose felicitou a tódolos premiados e a todas as persoas que practican deporte e que forman “unha canteira de xalleiros da que temos que estar orgullosos”. O xefe provincial de deportes, destacou o “esforzado compromiso” do concello de Santa Comba polo deporte e parabenizou aos premiados por ser “un referente deportivo e persoal”.

Despois a escola de música tradicional de Santa Comba interpretou o himno galego e coa tradicional foto de familia rematou unha Gala do Deporte que transcurriu dun xeito dinámico.

GALERÍA DE FOTOS DA GALA DO DEPORTE 2017

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos