Esta vindeira fin de semana Santa Comba acolle a Fase de ascenso a División de Honra infantil feminina de balonmán.
Durante a presentación que tivo lugar na Casa do Pozo, o presidente do Balonmán Xallas, David Barbeira, quixo agradecer “moitísimo” ao concello de Santa Comba a axuda para a celebración deste torneo “xa que está ao cen por cen connosco” e destacou o esforzo tanto da alcaldesa, María Pose, como da concelleira de deportes, Silvia Cancela, como dos traballadores municipais. Tamén mencionou aos patrocinadores que apoian ao club e a todos que fan posible que “as nenas poidan cumprir este soño”. E convidou ao equipo infantil a “disfrutar” desta experiencia deportiva.
En idéntica liña se expresou o directivo da Federación galega, Bruno López:”Isto é mérito do clube e do concello e espero que sexa o primeiro de moitos eventos que se celebren en Santa Comba”. López destacou que este torneo “ten moita transcendencia a nivel galego” e animou aos aficionados a asistir ós encontros.
Pola súa banda a concelleira de deportes, Silvia Cancela Blanco, ratificou o apoio municipal e dixo que a pesar dos erros que puidera haber, porían todo o esforzo nesta actividade, co ánimo de seguir colaborando con entidades coma o Balonmán Xallas.
Horario dos encontros no pavillón de Fontenla
Venres 31 de marzo
Camariñas-Tui – 19:00h
Lavadores- Xallas- 21:00h
Sábado 1 de abril
Lavadores-Tui- 16:00h
Xallas-Camariñas 18,00h
Domingo 2 de abril
Camariñas-Lavadores -10:30h
Tui-Xallas- 12:15h.
