O poeta Queco Fresco presentará o seu libro “Feridas espidas” en Santa Comba. Será o venres 5 de xuño ás 20h en Libraría Ler. O acto tamén contará coa participación de Silvia Figueiras e Ana Belén Corbacho e cunha selección de poemas musicados.
Segundo aparece no propio libro “Feridas espidas é un poemario que nace dende a esencia máis íntima, alí onde a palabra se volve ponte cara ás emocións compartidas e sentidas”.
Poemas que miran de fronte a vivencias como a tristeza, a enfermidade, o maltrato, o sufrimento ou a morte.. “mais non coa intención de afundirse na dor, senón para miralas de fronte e transformalas nun espazo de reflexión e afouteza”.
Queco Fresco (O Grove) é autor de varios libros. E o venres presentará o seu último poemario en Santa Comba.
